Latest News
మననిర్మల్.కామ్ mananirmal.comకు స్వాగతం. నిర్మల్ జిల్లా వార్తలను నిష్పక్షపాతంగా ఎప్పటికప్పుడు మీకందించే వెబ్‌సైట్ mananirmal.com       
పర్వ‌తారోహ‌ణ‌కు జుమ్మెరాత్‌పేట్ విద్యార్థులు
పర్వ‌తారోహ‌ణ‌కు జుమ్మెరాత్‌పేట్ విద్యార్థులు

నిర్మ‌ల్ ప‌ట్ట‌ణంలోని గాంధీచౌక్ స‌మీపంలో గ‌ల ప్ర‌భుత్వ జుమ్మెరాత్‌పేట్ ఉన్న‌త పాఠ‌శాల‌కు చెందిన ముగ్గురు విద్యార్థులు జాతీయ స్థాయి ప‌ర్వ‌తారోహ‌ణ‌కు ఎంపిక‌య్యారు. పాఠ‌శాల‌లోని చ‌దువుతున్న ఎన్‌సీసీ కేడెట్లు సాయి న‌మిత‌, బి.చైత‌న్య‌, ఆర్.శ్రీజ మ‌ధ్య‌ప్ర‌దేశ్‌లోని గ్వాలియ‌ర్‌లో జ‌రిగే జాతీయ స్థాయి ప‌ర్వ‌తారోహ‌ణ‌కు ఎంపికైన‌ట్లు పాఠ‌శాల ప్రిన్సిపాల్ వాణి, జిల్లా ఎన్‌సీసీ కో ఆర్డినేట‌ర్ శ్రీనివాస్ తెలిపారు. ఈ నెల 16 నుంచి 26వ తేదీ వ‌ర‌కు సాహ‌సకృత్య శిక్ష‌ణ‌లో భాగంగా నిర్వ‌హించే జాతీయ స్థాయి ప‌ర్వ‌తారోహ‌ణ‌కు ఎంపికైన‌ట్లు పేర్కొన్నారు. గురువారం ఎన్‌సీసీ కో ఆర్డినేట‌ర్ శ్రీనివాస్‌ ఈ ముగ్గురు విద్యార్థినుల‌ను మ‌ధ్య‌ప్ర‌దేశ్ తీసుకెళ్లారు. ఈ సంద‌ర్భంగా ప‌ర్వ‌తారోహ‌ణకు వెళ్తున్న ముగ్గురు ఎన్‌సీసీ కేడెట్ల‌ను ఉపాధ్యాయులు, విద్యార్థులు అభినందించారు. 
 

Read More
కాంగ్రెస్‌తోనే అన్నివర్గాల‌కు న్యాయం
కాంగ్రెస్‌తోనే అన్నివర్గాల‌కు న్యాయం

- ప్ర‌చారంలో కాంగ్రెస్ ఎమ్మెల్యే అభ్య‌ర్థి మ‌హేశ్వ‌ర్‌రెడ్డి

కాంగ్రెస్ ప్ర‌భుత్వంతోనే అన్నివ‌ర్గాల ప్ర‌జ‌ల‌కు స‌మ‌న్యాయం జ‌రుగుతుంద‌ని కాంగ్రెస్ ఎమ్మెల్యే అభ్య‌ర్థి ఏలేటి మ‌హేశ్వ‌ర్‌రెడ్డి అన్నారు. గురువారం నిర్మల్ మండలంలోని నీలాయి పేటతోపాటు మామ‌డ మండలంలోని గాయిద్‌ప‌ల్లి, పులిమ‌డుగు, గోపాల్‌పేట్ తాండ‌, దిలావ‌ర్‌పూర్ మండ‌లంలోని కాల్వ గ్రామాల్లో ఆయ‌న ముమ్మ‌రంగా ప్రచారం చేశారు. మహేశ్వర్ రెడ్డి గారికి మహిళలు, యువకులు, గ్రామస్థులు ఘ‌నంగా స్వాగతం పలికారు. ఈ సంద‌ర్భంగా మ‌హేశ్వ‌ర్‌రెడ్డి మాట్లాడుతూ టీఆర్ఎస్ ప్ర‌భుత్వం గ‌త ఎన్నిక‌ల్లో ఇచ్చిన హామీలు మ‌రిచి గ‌ద్దెనెక్కింద‌న్నారు. మ‌రోసారి ప్ర‌జ‌ల‌ను మోసం చేయ‌డానికి ఓట్లు అడుగుతున్నార‌ని ఆయ‌న తెలిపారు. గ‌త కాంగ్రెస్ ప్ర‌భుత్వం హ‌యాంలో అనేక అభివృద్ది జ‌రిగింద‌ని తెలిపారు. కాంగ్రెస్‌కు పెరుగుతున్నఆద‌ర‌ణ‌నుచూసి పార్టీలో చేరుతున్నార‌న్నారు. తండాల ప్ర‌జ‌ల‌తో ఆయ‌న స‌మావేశ‌మై కాంగ్రెస్ పార్టీ చేప‌ట్ట‌బోయే అభివృద్ది, సంక్షేమ ప‌థ‌కాల గురించి వివ‌రించారు. దీంతో వారు త‌మ‌కు అండ‌గా ఉండి కాంగ్రెస్ పార్టీ విజ‌యానికి కృషిచేస్తామ‌ని తెలిపార‌న్నారు. అలాగే దిలవార్‌పూర్‌  మండలం కాల్వ  గ్రామానికి చెందిన జడ్పీటీసీ సుజాత మెర్వాన్‌, ఎంపీటీసీ పద్మ రమణ, అయిండ్ల నర్సా రెడ్డి, ఏ.రామ్ రెడ్డిల‌తో పాటు సర్పంచ్ కే.లక్ష్మి, మాజీ సర్పంచ్ కే.చిన్న నర్సయ్య, బీజేపీ పార్టీ కి చెందిన మండల వైస్ ప్రెసిడెంట్ బి. నర్సారెడ్డి, ఏ.నర్సారెడ్డి, టెంపుల్ మాజీ చైర్మన్ డి.నర్సయ్య, మరాఠా సంఘం నాయకులు విజయ్ కుమార్, అర్జున్ తో పాటు ప‌లువురు మహేశ్వ‌ర్ రెడ్డి స‌మ‌క్షంలో కాంగ్రెస్ పార్టీలో చేరారు. మ‌హేశ్వ‌ర్ రెడ్డితో పాటు అప్పాల‌ గణేష్, బ్లాక్ కాంగ్రెస్ ప్రెసిడెంట్ సాద సుద‌ర్శ‌న్, మండల ప్రెసిడెంట్ జమాల్‌, మామ‌డ మండలంలోని బ్లాక్ కాంగ్రెస్‌ ప్రెసిడెంట్ బాప్ రెడ్డి, మండల ప్రెసిడెంట్ రాజారెడ్డి, ప‌లువ‌రు  కాంగ్రెస్ నాయకులు పాల్గొన్నారు.

 

Read More
మీ ఇంటి ఆడపడుచుగా ఆశీర్వదించండి
మీ ఇంటి ఆడపడుచుగా ఆశీర్వదించండి

ప్రచారంలో బీజేపీ అభ్యర్థి డాక్టర్‌ సువర్ణ రెడ్డి

మీ ఇంటి ఆడపడుచుగా ఆశీర్వదించి వచ్చే ఎన్నికల్లో బీజేపీకి ఓటు వేసి గెలిపించాలని ఆ పార్టీ ఎమ్మెల్యే అభ్యర్థి డాక్టర్ స్వ‌ర్ణారెడ్డి రెడ్డి అన్నారు. నిర్మల్ నియోజక వర్గంలో నిశ్శబ్ద విప్లవం ఉందని, బీజేపీ జెండా ఎగరడం ఖాయమని ఆమె పేర్కొన్నారు. గురువారం నిర్మల్ పట్టణంలోని సోమవార్‌పేట్‌లో  `మార్పు కోసం బీజేపీ - గడప గడపకు స్వర్ణమ్మ` పాదయాత్ర చేపట్టారు. ఈ సందర్భంగా గొల్లపేట్‌ కాలనీకి చెందిన యువకులు పెద్ద సంఖ్యలో కుంట శ్రీనివాస్ ఆద్వర్యంలో డాక్టర్ సువర్ణ రెడ్డి సమక్షంలో బీజేపీలో చేరారు. వారికి కాషాయ కండువాలు కప్పి సాదరంగా పార్టీలోకి ఆహ్వానించారు. ఇంటింటికి వెళ్లి ప్రధాని మోడీ చేస్తున్న అభివృద్ధి పథకాలను కరపత్రాలను అంద‌జేసి వివరించారు. కేంద్రంలోని బీజేపీ ప్రభుత్వం ప్రవేశపెడుతున్న పథకాలు సామాన్య ప్రజలకు ఎంతో లబ్ధి చేకూరుతుందని తెలిపారు. తెలంగాణ రాష్ట్రంలో అధికారంలోకి వచ్చిన కేసీఆర్ ప్రభుత్వం యువతను నిర్వీర్యం చేస్తుందని, ఉపాధి అవకాశాలు కల్పించకుండా వారి జీవితాలతో చెలగాటం ఆడుతున్నాదని అన్నారు. నిరుద్యోగ యువతకు ఉపాధి, బడుగుల కాపాడే అనేక సంక్షేమ పథకాలు పూర్తిస్థాయిలో అమలు కావాలంటే బీజేపీ గెలవాలని అన్నారు.

అలాగే  నిర్మల్ మండలంలోని అనంతపేట్‌ గ్రామంలో బుధవారం రాత్రి గడప గడపకు స్వర్ణమ్మ పాదయాత్ర చేపట్టి ఎన్నికల ప్రచారం నిర్వహించారు. ఈ సందర్భంగా గ్రామంలో పార్టీ జెండాను ఆవిష్కరించి కార్యాలయాన్ని ప్రారంభించారు. అనంతరం ఇంటింటికి వెళ్లి కేంద్రంలో బీజేపీ ప్రభుత్వం చేపడుతున్న సంక్షేమ పథకాలను వివరించారు. గ్రామంలో నెలకొన్న సమస్యలను డాక్టర్ సువర్ణ రెడ్డి దృష్టికి తీసుకెళ్లారు. గత ఎన్నికల్లో ప్రజలు ఇతర పార్టీలకు ఓట్లు వేసి గెలిపిస్తే వారు మీ సమస్యలను పట్టించుకోలేదని ఈసారి వస్తే నిల‌దీయాల‌ని అన్నారు. ఇప్పటివరకు మీరు ఓట్లు వేసిన పార్టీలు మీ సమస్యలను పట్టించుకోలేదని ఈసారి జరిగే ఎన్నికల్లో బీజేపీ పార్టీకి ఓటు వేసి గెలిపించాలని కోరారు. ప్రచారంలో పెద్ద ఎత్తున మహిళలు, యువత బ్రహ్మరథం పట్టారు.  రచ్చ మల్లేష్, అయ్యన్నగారి రాజేంధర్, మైనార్టీ నాయకులు బాబ, ఒడిసెల అర్జున్, తోట సత్యనారాయణ,  నిజాం, జహీర్, అయిండ్ల చిన్నారెడ్డి, కుంట  శ్రీనివాస్, దిలీప్, వస్త్రాల శివ ప్రసాద్, విశాల్ గౌడ్, కోటగిరి గోపి తదితరులు పాల్గొన్నారు. ఈ కార్యక్రమంలో నాయకులు అయ్యన్నగారి భూమయ్య, రావుల రాంనాథ్, ఆడెపు సుధాకర్,  నాయకులు  రచ్చ మల్లేష్, అయ్యన్నగారి రాజేంధర్, హరివర్మ, సముంధర్‌పల్లి రమేష్‌, మైనార్టీ నాయకులు బాబ, ఒడిసెల అర్జున్, నిజాం, జహీర్, అయిండ్ల చిన్నారెడ్డి, దిలీప్, వస్త్రాల శివ ప్రసాద్, విశాల్ గౌడ్, కోటగిరి గోపి, శ్రీధర్‌, ఆనంద్‌, పంతికే రాము తదితరులు పాల్గొన్నారు.

Read More
సంక్షేమ ప‌థ‌కాలే మ‌ళ్లీ గెలిపిస్తాయి
సంక్షేమ ప‌థ‌కాలే మ‌ళ్లీ గెలిపిస్తాయి

- ప్ర‌చారంలో ఆప‌ద్ద‌ర్మ మంత్రి ఇంద్ర‌క‌ర‌ణ్‌రెడ్డి

తెలంగాణ రాష్ట్రం ఏర్ప‌డిన త‌ర్వాత టీఆర్ఎస్ ప్ర‌భుత్వం హ‌యాంలో ముఖ్య‌మంత్రి కేసీ ఆర్ ప్ర‌తీ ఇంటికి అభివృద్ది, సంక్షేమ ప‌థ‌కాలు అందేలా కృషిచేశార‌ని రాష్ట్ర ఆప‌ద్ద‌ర్మ మంత్రి అల్లోల ఇంద్ర‌క‌ర‌ణ్‌రెడ్డి అన్నారు. గురువారం సారంగాపూర్ మండ‌లంలోని పొట్యా, బండిరేవుతాండ‌, సిర్పెల్లి, దుబ్బ‌తాండ‌, ఆదివాసిగూడ‌, అంద‌ల్‌వాయితాండ‌, ల‌క్ష్మీన‌గ‌ర్ తాండ‌, రాంసింగ్‌తాండ‌, కుప్టితాండ‌, కుప్టి, పెండ‌ల్‌దారి, ఇప్ప‌చెల్మ‌, లింగాపూర్‌, లింగాపూర్‌తాండ‌, త‌దిత‌ర గ్రామాల్లో మంత్రి అల్లోల ప్ర‌చారం నిర్వ‌హించ‌గా మ‌హిళ‌లు మంగ‌ళ‌హార‌తులు, యువ‌కులు నృత్యాల మ‌ద్య‌ ప్ర‌జ‌లు బ్ర‌హ్మ‌ర‌థం ప‌ట్టారు.  ప్ర‌చారంలో భాగంగా మంత్రి మాట్లాడుతూ  త్వ‌ర‌లో జ‌ర‌గ‌బోయే శాస‌న‌స‌భ ఎన్నిక‌ల్లో టీఆర్ఎస్ ప్ర‌భుత్వం ప్ర‌వేశ‌పెట్టిన అభివృద్ది, సంక్షేమ ప‌థ‌కాలే మ‌ళ్ళీ అధికారంలోకి తీసుకువ‌స్తాయ‌ని మంత్రి ధీమా వ్య‌క్తంచేశారు.

గ‌త పాల‌కులు 60 ఏళ్ల‌లో చేసిన అభివృద్ది ఎక్క‌డ క‌నిపించ‌డం లేద‌ని విమ‌ర్శించారు. ముఖ్య‌మంత్రి కేసీ ఆర్ మాత్రం అధికారంలోకి వ‌చ్చిన నాలుగున్న‌రేళ్ల‌లోనే చాలా అభివృద్ది జ‌రిగింద‌ని పేర్కొన్నారు. అలాగే ఇంటింటికి అభివృద్ది, సంక్షేమ ప‌థ‌కాలు అందాయ‌ని తెలిపారు. సిఎం కేసీ ఆర్ తండాల‌ను గ్రామ‌పంచాయ‌తీలుగా ఏర్పాటుచేయ‌డంతో ఎంతో అభివృద్ది జరుగుతుంద‌ని గుర్తుచేశారు. వ్య‌వ‌సాయానికి 24 గంట‌ల క‌రెంటుతోపాటు రాష్ట్రంలో 35 లోల మంది రైతుల‌కు భీమాచేసిన ఘ‌న‌త సిఎం కేసిఆర్‌కే ద‌క్కుతుంద‌న్నారు. రాష్ట్రం మ‌రింత అభివృద్ది జ‌ర‌గాలంటే టీఆర్ఎస్ పార్టీ కారు గుర్తుకు ఓటువేసి త‌న‌ను గెలిపించాల‌ని మంత్రి ఓట‌ర్ల‌కు అభ్య‌ర్థించారు. వచ్చె ఎన్నిక‌ల్లో వంద‌కుపైగా ఎమ్మెల్యే సీట్ల‌ను గెలుపొంది కేసీఆర్ ముఖ్య‌మంత్రిగా పీఠం ఎక్కుతార‌న్నారు. తాను కాంగ్రెస్ పార్టీలో చేర‌లేద‌ని, టీఆర్ఎస్‌లోనే కొన‌సాగుతున్నాన‌ని ల‌క్ష్మ‌ణ‌చాంద మండ‌లంలోని క‌న‌కాపూర్ గ్రామ మాజీ స‌ర్పంచ్ సుంకు ముత్త‌న్న తెలిపారు. త‌న‌ను మాజీ ఎమ్మెల్యే మ‌హేశ్వ‌ర్‌రెడ్డి బ‌ల‌వంతంగా కాంగ్రెస్ కండువాక‌ప్పి పార్టీలో చేరిన‌ట్లు ప్ర‌క‌టించార‌ని తెలిపారు. ఈమేర‌కు ఆయ‌న గురువారం రాత్రి మంత్రి అల్లోల‌ను క‌లిసి టీఆర్ఎస్‌లోనే కొన‌సాగుతాన‌ని స్ప‌ష్టంచేశారు. మంత్రివెంట క‌న‌కాపూర్ స‌ర్పంచ్ మేక‌ల రాజేంధ‌ర్ యాద‌వ్‌,  త‌దిత‌రులు ఉన్నారు. ప్ర‌చార కార్య‌క్ర‌మంలో రైతు స‌మ‌న్వ‌య స‌మితి జిల్లా అధ్య‌క్షులు న‌ల్ల వెంక‌ట్‌రాంరెడ్డి, అల్లోల ముర‌ళీధ‌ర్‌రెడ్డి, డాక్ట‌ర్ మ‌ల్లికార్జున్‌రెడ్డి, సారంగాపూర్ మార్కెట్ చైర్మెన్ రాజ్ మ‌హ్మ‌ద్‌, అడెల్లి చైర్మెన్ శ్రీ‌నివాస్‌రెడ్డిలు పాల్గొన్నారు. 

Read More
నిర్మ‌ల్‌లో నామినేష‌న్ల ప‌ర్వం షురూ
నిర్మ‌ల్‌లో నామినేష‌న్ల ప‌ర్వం షురూ

- మూడు నియోజ‌క‌వ‌ర్గాల్లో ఆరు నామినేష‌న్లు

నిర్మ‌ల్‌లో నామినేష‌న్ల ప‌ర్వం మొద‌లైంది.. మొద‌టి రెండు రోజుల్లో ఒక్క నామినేష‌న్ కూడా దాఖ‌లు కాక‌పోగా.. నిన్న బుధ‌వారం మంచిరోజు కావ‌డంతో జిల్లా అంత‌టా దాదాపు అన్ని పార్టీల ఎమ్మెల్యే అభ్య‌ర్థులు నామినేష‌న్ దాఖ‌లు చేశారు. నిర్మ‌ల్ నియోజ‌క‌వ‌ర్గంలో ఇద్ద‌రు, ముథోల్‌, ఖానాపూర్ నియోజ‌క‌వ‌ర్గాల్లో ఇద్ద‌రేసి అభ్య‌ర్థులు నామినేష‌న్‌ల‌ను దాఖ‌లు చేశారు. నిర్మ‌ల్ టీఆర్ఎస్ అభ్య‌ర్థి అల్లోల ఇంద్ర‌క‌ర‌ణ్ రెడ్డి నాలుగు సెట్ల నామ‌ప‌త్రాల‌ను రిట‌ర్నింగ్ అధికారి ప్ర‌సూనాంబ‌కు అంద‌జేశారు. ఒక్కో సెట్టుకు ఒక్కొక్క‌రు చొప్పున ప్ర‌తిపాదించారు. ఐకే రెడ్డి వెంట మొదటిసెట్టుకు మాజీ కౌన్సిలర్‌ నల్లూరి పోశెట్టి, రెండోసెట్టుకు జడ్పీఛైర్‌పర్సన్‌ వల్లకొండ శోభారాణి, మూడోసెట్టుకు మాజీ ఎమ్మెల్యే నల్ల ఇంద్రకరణ్‌రెడ్డి, నాలుగో సెట్టుకు తెరాస ఉమ్మడి జిల్లా మాజీ అధ్యక్షుడు శ్రీహరిరావులు ప్రతిపాదించారు. ఇక నిర్మ‌ల్ నియోజ‌క‌వ‌ర్గం నుంచి బీజేపీ అభ్యర్థిగా అయిండ్ల సువ‌ర్ణా రెడ్డి ఎలాంటి హ‌డావుడి లేకుండా నామ‌ప‌త్రాన్ని రిటర్నింగ్ అధికారికి అంద‌జేశారు. ఒక్క సెట్టు మాత్ర‌మే దాఖ‌లు చేయ‌గా.. ఆమె వెంట సీనియ‌ర్ నాయ‌కులు అయ్య‌న్న‌గారి భూమ‌య్య వ‌చ్చారు. బుధవారం మంచి రోజుగా భావించి నామినేషన్ దాఖలు చేశానని, కార్యకర్తలు, నాయకుల సమక్షంలో ఈ నెల 19న  పెద్ద ఎత్తున మ‌రో సెట్టు నామినేష‌న్‌ వేస్తానని సువ‌ర్ణా రెడ్డి తెలిపారు. 


మ‌రోవైపు ముథోల్‌ అసెంబ్లీ స్థానానికి టీఆర్ఎస్ అభ్యర్థిగా విఠల్‌రెడ్డి నామపత్రం దాఖలు చేయగా.. ఈయన పేరును పార్టీ నాయకుడు ఓంప్రకాశ్‌ లడ్డా ప్రతిపాదించారు. కాంగ్రెస్‌ అభ్యర్థిగా పవార్‌ రామారావుపటేల్‌ రెండుసెట్ల నామపత్రాలు దాఖలు చేశారు. ఖానాపూర్‌ నియోజకవర్గంలోనూ ఇద్దరు అభ్యర్థులు నామపత్రాలను రిటర్నింగ్‌ అధికారి వినోద్‌కు అందజేశారు. టీఆర్ఎస్ అభ్యర్థిగా అజ్మీర రేఖానాయక్‌ రెండుసెట్లు నామపత్రాలు దాఖలుచేశారు. ఇక్కడ ఇండిపెండెంట్‌ అభ్యర్థిగా కనక తుకారాం నామపత్రం దాఖలు చేయగా.. ఈయన పేరును పది మంది ఓటర్లు ప్రతిపాదించారు. 

Read More
కాంగ్రెస్ పాల‌నలో అభివృద్ది శూన్యం
కాంగ్రెస్ పాల‌నలో అభివృద్ది శూన్యం

- మంత్రి అల్లోల ఇంద్ర‌క‌ర‌ణ్ రెడ్డి 


గ‌త కాంగ్రెస్ ప్ర‌భుత్వం హ‌యాంలో రాష్ట్రంలో ఎక్క‌డ అభివృద్ది జ‌ర‌గ‌లేద‌ని, రాష్ట్రంలో 60 ఏళ్ల‌లో చేయ‌లేని అభివృద్ధి కేవ‌లం నాలుగున్న‌రేళ్ల‌లో టీఆర్ఎస్ ప్ర‌భుత్వం చేసి చూపించింద‌ని, దీంతో ప్ర‌జ‌లు టీఆర్ఎస్‌కు అండ‌గా నిలుస్తున్నార‌ని రాష్ట్ర ఆప‌ద్ద‌ర్మ మంత్రి అల్లోల ఇంద్ర‌క‌ర‌ణ్‌రెడ్డి అన్నారు. మంగ‌ళ‌వారం మంత్రి నిర్మ‌ల్ ప‌ట్ట‌ణంలోని శాస్త్రిన‌గర్‌తోపాటు ప‌లు గ్రామాల్లో ఎన్నిక‌ల ప్ర‌చారం నిర్వ‌హించారు.  మంగళ‌వారం క్యాంప్ కార్యాల‌యంలో నిర్మ‌ల్ మండ‌లం  అనంత పేట గ్రామానికి 400 మంది, పోచం ప‌హాడ్ గ్రామానికి చెందిన 200 మంది, వెంగ్వాపేట్ గ్రామానికి చెందిన 250 మంది, చిట్యాల్ గ్రామానికి చెందిన 200 మంది, సారంగాపూర్ మండ‌లం కౌట్ల గ్రామానికి 100 మంది, నిర్మ‌ల్ ప‌ట్ట‌ణం వైయ‌స్సార్  కాల‌నీకి చెందిన 70 మంది కాంగ్రెస్ నాయ‌కులు, కార్య‌క‌ర్త‌లు మంత్రి అల్లోల స‌మ‌క్షంలో టీఆర్ఎస్ పార్టీలో చేరారు.

ఈ సంద‌ర్బంగా మంత్రి మాట్లాడుతూ టీఆర్ఎస్ ప్ర‌భుత్వం పాల‌న ప‌ట్ల అన్ని వ‌ర్గాల ప్ర‌జ‌లు సంతోషంగా ఉన్నార‌ని, నాలుగున్న‌ర ఏళ్ల‌లో ప్ర‌భుత్వం చేసిన అభివృద్ది, సంక్షేమ ప‌థ‌కాల‌కు ఆక‌ర్షితులై గులాబీ పార్టీలో చేరుతున్నారన్నారు. టీఆర్ఎస్ ప్ర‌భుత్వం ప్ర‌వేశ‌పెట్టిన సంక్షేమ ప‌థ‌కాలు ఇంటింటికి అందాయ‌ని  అన్నారు. నిర్మ‌ల్ నియోజ‌క‌వ‌ర్గంలో మ‌రింత అభివృద్ది జ‌ర‌గాలంటే కారు గుర్తుకు ఓటువేయాల‌ని మంత్రి ఓట‌ర్ల‌ను అభ్య‌ర్థించారు. టీఆర్ఎస్ ప్రభుత్వం చేసిన అభివృద్ధి, అమలు చేసిన సంక్షేమ పథకాలే మళ్ళీ తమను అధికారంలోకి తీసుకొస్తాయని మంత్రి ధీమా వ్యక్తం చేశారు. 60 ఏళ్లపాటు రాష్ట్రాన్ని పాలించిన కాంగ్రెస్‌ పాలనలో అభివృద్ది, సంక్షేమం శూన్యమన్నారు.  ప్ర‌జా స‌మ‌స్య‌లు ప‌ట్టించుకోని కాంగ్రెస్,టీడీపీలు అభివృద్దిని జీర్ణించుకోలేకే  మ‌హ‌కూట‌మిగా ఏర్ప‌డి కుట్ర‌లు ప‌న్నుతున్నాయ‌ని విమ‌ర్శించారు. ఈ కార్య‌క్ర‌మంలో మాజీ ఎమ్మెల్యే న‌ల్లా ఇంద్ర‌క‌ర‌ణ్ రెడ్డి,  టీఆర్ఎస్ రాష్ట్ర కార్య‌ద‌ర్శి స‌త్య‌నారాయ‌ణ గౌడ్, నిర్మల్ ఏయంసీ ధ‌ర్మాజీ రాజేంద‌ర్,తెరాస  సీనియ‌ర్ నాయ‌కులు శ్రీహ‌రి రావు, అల్లోల ముర‌ళీధ‌ర్ రెడ్డి, ఏయంసీ ధ‌ర్మాజి రాజేంద‌ర్, డా.మ‌ల్లికార్జున రెడ్డి, రాంకిష‌న్ రెడ్డి, ప‌త్తిరెడ్డి రాజేశ్వ‌ర్ రెడ్డి, ముత్యంరెడ్డి, చిట్యాల్ స‌ర్పంచ్ ర‌మేష్ రెడ్డి, అనంత‌పేట‌ ఎంపీటీసీ దాస‌రి పంతులు, మాజీ ఎంపీటీసీ నేరెళ్ల అశోక్, కోట చిన్న లింగన్న‌, చిన్న గంగ‌న్న‌, కుంటాల రాజేశ్వ‌ర్   పోలీసు భీమేష్, పోలీసు న‌వీన్ త‌దిత‌రులు పాల్గొన్నారు.

 

Read More
1 2 3 4 5 >> Last