Latest News
మననిర్మల్.కామ్ mananirmal.comకు స్వాగతం. నిర్మల్ జిల్లా వార్తలను నిష్పక్షపాతంగా ఎప్పటికప్పుడు మీకందించే వెబ్‌సైట్ mananirmal.com       
ఒక్కొక్క‌రిపై స‌గ‌టున‌ వెయ్యి రూపాయ‌లట‌!

ఫేస్ బుక్. ప్ర‌పంచంలో ఈ పేరు తెలియ‌ని వారు బ‌హుషా ఉండ‌రేమో. కోట్లాది మంది ప్ర‌జ‌ల ముఖ‌పుస్త‌కాల్లోకి చొచ్చుక‌పోయింది. కొన్ని కోట్ల‌ మంది ఉద‌యం లేచిన‌ప్ప‌టి నుంచి రాత్రి నిద్ర‌పోయే వ‌ర‌కు ఫేస్ బుక్ లోనే గ‌డిపేస్తున్నారు.  ప్ర‌స్తుతం చాలా మంది జీవితాల్లో ఫేస్ బుక్ ఒక పార్ట్ అయ్యిందన‌డంలో అతిశ‌యోక్తిలేదు. అసలు ఫేస్ బుక్ లేనిదే ఎవ్వరికి రోజు గడవడం లేదంటే అంతలా మ‌నం ఫేస్ బుక్ కు బ‌క్కైపోయాము. ఫోటో దిగిన‌ప్పుడు.. మ‌న‌సులోని భావాల‌ను బ‌య‌ట‌పెట్టాల‌న్నా.. కామెంట్ చేయాలన్నా.. షాపింగ్ కు వెళ్లినప్పుడు.. టూర్ కి వెళ్లిన‌ప్పుడు ఒక‌టేమీ.. ఏది చేసినా ఫేస్ బుక్ లో పెట్టాల్సిందే. ఇప్పుడు ప్ర‌పంచం ఫేస్ బుక్ చుట్టే తిరుగుతోంది. ఇలా ఫేస్ బుక్ ఎంతలా వాడుతున్నారంటే.. మిగిలిన సోషల్ మీడియాల క‌న్నా ఫేస్ బుక్ నే ఎక్కువ‌గా వాడేస్తున్నార‌ట‌. 
అస‌లు ఫేస్ బుక్ ను మనం ఎంతగా వాడుతున్నామో అంతకు మించిన ఆదాయాన్ని మన ద్వారా ఫేస్ బుక్ వ్యవస్థాపకుడు మార్క్ జుకర్ బ‌ర్గ్ కు అందిస్తోంది. మ‌న ఫేస్ బుక్ అకౌంట్లే ఆ సంస్థకు పెట్టుబడి. ప్రపంచంలోని ఒక్కో ఖాతాదారుడిపై సగటున రూ.1056 (16 డాలర్లు) సంపాదిస్తోందట. ఈ లెక్క‌న 179 కోట్ల మందికి పైగా యూజ‌ర్లున్న ఫేస్ బుక్ కు ఎంత ఆదాయమొస్తుందో మీరే అర్థం చేసుకొండి. ఫేస్ బుక్ ఎక్కువ‌గా కెనడా, అమెరికాల్లోని ఖాతాదారులపై భారీగా ఆదాయం గడిస్తోందట. ఫేస్‌బుక్ త్రైమాసిక ఆదాయం వాల్‌స్ట్రీట్ అంచనాలను మించి 50శాతం పెరిగింది. ఫేస్‌బుక్ వైబ్‌సైట్‌తో పాటు బాగా పాపులర్ అయిన మొబైల్‌యాప్‌, కొత్తగా ప్రవేశపెట్టిన లైవ్ స్ట్రీమింగ్ వీడియో సదుపాయం కారణంగా ఫేస్‌బుక్‌లో ప్రకటనలు భారీగా పెరిగాయి. మెరుగైన ఫలితాలతో కంపెనీ షేర్లు దాదాపు 10 శాతం మేర లాభపడింద‌ట‌. ఫేస్‌బుక్‌ను నెలకు దాదాపు 1.65 బిలియన్ల మంది వినియోగిస్తున్నట్లు.. వినియోగదారులు రోజుకు సుమారు 50 నిమిషాల పాటు ఫేస్‌బుక్‌పై గడుపుతున్నట్లు కంపెనీ వెల్లడించింది.
 

Popular News may like