Latest News
మననిర్మల్.కామ్ mananirmal.comకు స్వాగతం. నిర్మల్ జిల్లా వార్తలను నిష్పక్షపాతంగా ఎప్పటికప్పుడు మీకందించే వెబ్‌సైట్ mananirmal.com       
గ‌ర్భిణీల‌కు పోష‌కాహారం అందేలా చూడాలి

అంగ‌న్‌వాడీ టీచ‌ర్ల‌కు క‌లెక్ట‌ర్ సూచ‌న‌
గ‌ర్భిణీల‌కు, శిశువుల‌కు మెరుగైన పౌష్టికాహారం అందేలా చూడాల‌ని అంగ‌న్‌వాడీ టీచ‌ర్లకు జిల్లా క‌లెక్ట‌ర్‌ ఎం.ప్ర‌శాంతి సూచించారు. బుధ‌వారం వైయ‌స్ఆర్ ఫంక్ష‌న్‌హాల్‌లో మ‌హిళ‌, శిశుసంక్షేమ‌శాఖ ఆద్వ‌ర్యంలో జిల్లాస్థాయి పోష‌ణ అభియాన్‌, సంబంధిత‌శాఖ‌ల స‌మ‌న్వ‌య స‌మావేశం, శిక్ష‌ణ కార్య‌క్ర‌మానికి క‌లెక్ట‌ర్ ముఖ్య అథితిగా హాజ‌రై మాట్లాడారు. రాష్ట్ర‌, కేంద్ర స్థాయిలో అన్నిశాఖ‌ల స‌మ‌న్వ‌యంతో 9 వేల కోట్ల రూపాయ‌ల‌తో గ‌ర్భిణీలు, శిశువుల‌కు పౌష్టికాహారం అందించేందుకు పోష‌ణ్ అభియాన్‌ను కేంద్ర ప్ర‌భుత్వం చేప‌ట్టింద‌న్నారు. జిల్లాలో సెప్టెంబ‌ర్ నెల‌లో ఇంటింటా పోష‌ణ సంబ‌రాలు పంచాయ‌తీరాజ్‌, ఐసీడీయ‌స్‌, వైద్య‌, ట్రైబ‌ల్ వెల్ఫేర్‌, విద్యాశాఖ‌ల స‌మ‌న్వ‌యంతో అవ‌గాహ‌న కార్య‌క్ర‌మం చేప‌ట్ట‌డం జ‌రిగింద‌న్నారు.

ప్ర‌తీ గ్రామంలో మ‌రుగుదొడ్లు, వ్య‌క్తిగ‌త ప‌రిశుభ్ర‌త‌, శిశుమ‌ర‌ణాల త‌గ్గింపు, ఐర‌న్ విట‌మిన్లు గ‌ల పోష‌కాహారం, శుద్ద‌మైన తాగునీరు అందేలా చూడాల‌న్నారు. స‌రైన స‌మ‌యంలో ఇంటింటికి వెళ్లి గ‌ర్భిణీల‌ను, శిశువుల‌ను ప‌రిశీలించి పిల్ల‌ల బ‌రువును కార్డులో న‌మోదు చేయాల‌న్నారు. అలాగే ఆశా కార్య‌క‌ర్త‌లు గ‌ర్భ‌వ‌తుల‌ను ఖ‌చ్చితంగా ఆసుప‌త్రుల‌లోనే ప్ర‌స‌వం అయ్యేలా చూడాల‌ని, స‌రైన స‌మ‌యంలో న‌వ‌జాత శిశువుల‌కు టీకాలు వేయించాల‌న్నారు. పౌష్టికాహారం గుడ్లు, పాలు, వేడివేడి అన్నం అందించాల‌న్నారు. గ‌ర్భిణీలు అంగ‌న్‌వాడీ కేంద్రాల‌కు వ‌చ్చేలా చూడాల‌న్నారు. ఈ కార్య‌క్ర‌మంలో క‌లెక్ట‌ర్ ప్ర‌శాంతి గ‌ర్భిణీల‌కు శ్రీ‌మంతం, చిన్న‌పిల్ల‌ల‌కు అన్న‌ప్రాస‌న చేశారు. ఈ కార్య‌క్ర‌మంలో జిల్లా మ‌హిళా శిశు సంక్షేమ అధికారి విజ‌య‌ల‌క్ష్మీ, జిల్లా పంచాయ‌తీ అధికారి శ్రీ‌నివాస్‌, ఇమ్యునైజేష‌న్ అధికారి డాక్ట‌ర్ కార్తిక్‌, బాల‌ల ప‌రిర‌క్ష‌ణ అధికారి స‌గ్గం రాజు, రాజేశ్వ‌ర్‌, సీడీపీవో శిరీష‌, ఛాయ‌, వెంక‌ట‌ర‌మ‌ణ‌, త‌దిత‌రులు పాల్గొన్నారు.

 

Popular News may like