Latest News
మననిర్మల్.కామ్ mananirmal.comకు స్వాగతం. నిర్మల్ జిల్లా వార్తలను నిష్పక్షపాతంగా ఎప్పటికప్పుడు మీకందించే వెబ్‌సైట్ mananirmal.com       
స‌త్ర్ప‌వ‌ర్త‌న‌తోనే ఆరోగ్యం

- ఆరోగ్య తెలంగాణ కోస‌మే ప్ర‌భుత్వం కృషి
- రాష్ట్ర గృహ‌నిర్మాణ‌శాఖ మంత్రి ఇంద్ర‌క‌ర‌ణ్‌రెడ్డి


ఆరోగ్య‌వంత‌మైన స‌మాజం కోసం తెలంగాణ రాష్ట్ర ప్ర‌భుత్వం కృషిచేస్తుంద‌ని రాష్ట్ర న్యాయ‌, గృహ‌నిర్మాణ‌, దేవాదాయ‌శాఖ మంత్రి అల్లోల ఇంద్ర‌క‌ర‌ణ్‌రెడ్డి అన్నారు. మంగ‌ళ‌వారం నిర్మ‌ల్ ప‌ట్ట‌ణంలోని వ‌శిష్ట పాఠ‌శాల‌లో ఏర్పాటుచేసిన ఉచిత ఆయూష్ మెగా వైద్య శిభిరంలో మంత్రి ముఖ్య అథితిగా పాల్గొన్నారు. ముందుగా జ్యోతిప్ర‌జ్వ‌ల‌నగావించి వైద్య శిభిరాన్ని ప్రారంభించారు. ఈ సంద‌ర్భంగా ఏర్పాటుచేసిన స‌మావేశంలో మంత్రి మాట్లాడుతూ ఆరోగ్య‌మే మ‌హాభాగ్యమ‌ని, ప్ర‌తీ ఒక్క‌రు త‌మ ఆరోగ్యాన్ని కాపాడుకోవాల‌న్నారు. ఆరోగ్య ప‌రిర‌క్ష‌ణ‌కు ప్ర‌తీ ఒక్క‌రు ప్ర‌తీ ఒక్క‌రు పాటుప‌డాల‌న్నారు. ప్ర‌జ‌ల జీవ‌న‌శైలిలో లోపం మ‌నం అనేక వ్యాధులబారిన ప‌డుతున్నామ‌న్నారు. ప్ర‌తీ వ్య‌క్తి క‌నీసం 45 నిమిషాల‌పాటు న‌డ‌వాల‌న్నారు.

ప్లాస్టిక్ వ‌ల్ల అనారోగ్యానికి గుర‌వుతున్నార‌ని, అవి  వాడ‌కుండా చూడాల‌న్నారు. కేంద్ర‌, రాష్ట్ర ప్ర‌భుత్వాలు ఆరోగ్య ప‌రిర‌క్ష‌ణ‌కై ఎన్నో కార్య‌క్ర‌మాలు అమ‌లుచేస్తుంద‌న్నారు. రాష్ట్ర ప్ర‌భుత్వం పేద‌లుక ఆరోగ్య‌శ్రీ‌, హెల్త్‌కార్డులు, ప్ర‌తీ ఒక్క‌రికి కంటి ప‌రీక్ష‌లు నిర్వహించ‌నుంద‌ని మంత్రి తెలిపారు. ఆయూశాఖ అడిషిన‌ల్ డైరెక్ట‌ర్ మూర్తి మాట్లాడుతూ బిహేవియ‌ర్ ఛేంజ్ క‌మ్యూనికేష‌న్ స‌త్ర్ప‌వ‌ర్త‌న ఆరోగ్యం కార్య‌క్ర‌మంతో ప్ర‌జ‌ల జీవ‌నశైలిలోని లోపాల వ‌ల్ల వ‌చ్చే వ్యాధుల‌ను వారి ప్ర‌వ‌ర్త‌న మార్చ‌డం ద్వారా మార్పుతీసుకురావ‌చ్చ‌ని, దీంతో ఆరోగ్య‌వంత‌మైన స‌మాజంను తీర్చి దిద్దటం జ‌రుగుతుంద‌న్నారు. ఈ స‌మావేశంలో ఆయూష్ అద‌న‌పు సంచాల‌కులు డాక్ట‌ర్ మురాద్ అలీ, మున్సిప‌ల్ ఛైర్మెన్ గ‌ణేష్ చ‌క్ర‌వ‌ర్తి, గ్రంథాల‌య చైర్మెన్ రాజేంధ‌ర్‌, జిల్లా రైతు స‌మ‌న్వ‌య స‌మితి క‌న్వీన‌ర్ వెంకట్‌రాంరెడ్డి, పాకాల రాంచంద‌ర్‌, డాక్ట‌ర్లు ర‌వీంధ‌ర్‌రెడ్డి, కేదారి, విజ‌య్‌కుమార్‌, ఫ‌రీదాబేగం, కౌన్సిల‌ర్ కిష‌న్‌, ధ‌ర్మాజి రాజేంధ‌ర్ త‌దిత‌రులు పాల్గొన్నారు.

Popular News may like