Latest News
మననిర్మల్.కామ్ mananirmal.comకు స్వాగతం. నిర్మల్ జిల్లా వార్తలను నిష్పక్షపాతంగా ఎప్పటికప్పుడు మీకందించే వెబ్‌సైట్ mananirmal.com       
క్ష‌య‌వ్యాధిని అంతంచేద్దాం

- జిల్లా వైద్య‌, ఆరోగ్య‌శాఖ అధికారి జ‌ల‌ప‌తినాయ‌క్‌
 


నిర్మ‌ల్ జిల్లాలో క్ష‌య‌వ్యాధిని అంతం చేసేందుకు ప్ర‌తీ ఒక్క‌రు త‌మ‌వంతు బాధ్య‌త‌గా కృషిచేయాల‌ని జిల్లా వైద్య‌, ఆరోగ్య‌శాఖ అధికారి జ‌ల‌ప‌తినాయ‌క్ అన్నారు. శ‌నివారం ప్ర‌పంచ టీబీ(క్ష‌య‌) నివార‌ణ దినోత్స‌వంను పుర‌స్క‌రించుకుని స్థానిక వై ఎస్ ఆర్ ఫంక్ష‌న్‌హాల్ నిర్వ‌హించిన స‌ద‌స్సుకు ఆయ‌న ముఖ్య అథితిగా హాజ‌రై మాట్లాడారు.  గ్రామాల్లో ప్ర‌జ‌ల‌కు టీబీ వ్యాధి గురించి ఆశావ‌ర్క‌ర్లు అవ‌గాహ‌న క‌ల్పిస్తున్నార‌న్నారు. టీబీ వ్యాధి సూక్ష్మ‌క్రిముల ద్వ‌రా సంక్ర‌మించునని, రోగి ద‌గ్గిన‌ప్పుడు, తుమ్మిన‌ప్పుడు క్రిముల ద్వారా, తుంప‌ర్ల ద్వారాగాని గాలిలో ఆరోగ్య‌వంతులు పీల్చిన‌ప్పుడు  వారికి కూడా టీబీ వ్యాధి సోకే అవ‌కాశం ఉంటుంద‌న్నారు. అందుకుగాను ప్ర‌జ‌లు జాగ్ర‌త్త‌గా ఉండాల‌న్నారు. రెండు వారాల‌కు మించి ద‌గ్గు, బ‌రువు, సాయంత్రంపూట జ్వ‌రం, ఆక‌లి ఉండ‌క‌పోవ‌డం, ఛాతిలో నొప్పి, ద‌గ్గిన‌ప్పుడు ర‌క్తం రావ‌డం టీబీ యొక్క ల‌క్ష‌ణాల‌న్నారు. తెమ‌డ ప‌రీక్ష‌లు చేయ‌డం ద్వారా టీబీ నిర్ధారించ‌వ‌చ్చ‌న్నారు. అంత‌కుముందు ప్ర‌సూతి ఆసుప‌త్రి నుండి వై ఎస్ ఆర్ ఫంక్ష‌న్‌హాల్ వ‌ర‌కు భారీ ర్యాలీ నిర్వ‌హించారు.

జిల్లా ఏరియా ఆసుప‌త్రి సూప‌రిండెంట్ మాట్లాడుతూ బంగారు తెలంగాణ‌లో బాగంగా ఆరోగ్య తెలంగాణ కావాల‌ని, ఇందుకు ప్ర‌తీ ఒక్క‌రు కృషివ‌ల్ల‌నే సాధ్య‌మ‌వుతుంద‌న్నారు. జిల్లా క్ష‌య‌వ్యాధి నివార‌ణ అధికారి డాక్ట‌ర్ కార్తీక్ మాట్లాడుతూ టీబీ వ్యాధి గురించి అవ‌గాహ‌న క‌లిగి ఉండాల‌న్నారు. టీబీ వ్యాధిగ్ర‌స్థులు అంగ‌న్‌వాడీ కేంద్రాల్లో ఒక గుడ్డుకు రెండు గుడ్లు ఇవ్వ‌డం జ‌రుగుతుంద‌న్నారు. వ్యాదిగ్ర‌స్తుల ఇండ్ల‌కు వెళ్లి ఉచితంగా మందులు ఇవ్వ‌డ‌మే కాకుండా వారు తీసుకునే జాగ్ర‌త్త‌ల‌ను ఆశాకార్య‌క‌ర్త‌లు వివ‌రిస్తున్నార‌ని తెలిపారు. టీబీ వ్యాధిని అరిక‌ట్టేందుకు అత్యాధునిక వైద్య సేవ‌లు అందుబాటులో ఉన్నాయ‌ని, టీబీ ప్రాథ‌మిక స్థాయిలో గుర్తిస్తే నివార‌ణ అత్యంత సులువ‌ని పేర్కొన్నారు. టీబీ వ్యాధిపై విద్యార్థులు, ఆశావ‌ర్క‌ర్లు, ఏఎన్ఎంలు ప్ర‌జ‌ల‌కు అవ‌గాహన క‌ల్పించాల‌న్నారు. ఈ కార్య‌క్ర‌మంలో జిల్లా సైన్స్ అధికారి వినోద్‌కుమార్‌, డాక్ట‌ర్ శ్రీ‌నివాస్‌, ల‌క్ష్మ‌ణ్‌, ఆర్టీసీ స్టేష‌న్ మేనేజ‌ర్ రాజేశ్వ‌ర్‌, డీపీయంఓ జ‌య‌ప్ర‌మోద్‌, డీపీయంహెచ్ఓ, ఆశావ‌ర్క‌ర్లు, విద్య‌ర్థులు పాల్గొన్నారు.

Popular News may like