Latest News
మననిర్మల్.కామ్ mananirmal.comకు స్వాగతం. నిర్మల్ జిల్లా వార్తలను నిష్పక్షపాతంగా ఎప్పటికప్పుడు మీకందించే వెబ్‌సైట్ mananirmal.com       
నులిపురుగులను న‌లిపేద్దాం

- ఆశ్ర‌మ పాఠ‌శాల‌లో విద్యార్థినీల‌కు మాత్ర‌ల‌ పంపిణీ 
- పాల్గొన్న మంత్రి ఐకే రెడ్డి, మునిసిప‌ల్ చైర్మ‌న్‌
ఆరోగ్యక‌ర‌ సమాజ ఏర్పాటులో భాగంగా ప్రభుత్వం వైద్య ఆరోగ్యశాఖ ఆధ్వర్యంలో ప్రతి ఏడాది రెండుసార్లు జాతీయ నులిపురుగుల నిర్మూలన దినోత్సవాన్ని నిర్వహిస్తోందని అన్నారు రాష్ట్ర దేవాదాయ‌, గృహ నిర్మాణ‌, న్యాయ శాఖ మంత్రి ఇంద్ర‌క‌ర‌ణ్ రెడ్డి. రాష్ట్రంలోని ప్ర‌జ‌లంద‌రు సంపూర్ణ ఆరోగ్యంగా ఉండాల‌నేదే ప్ర‌భుత్వ ధ్యేయ‌మ‌ని అన్నారు. శుక్ర‌వారం నిర్మ‌ల్ ప‌ట్ట‌ణంలోని ప్ర‌భుత్వ బాలిక‌ల‌ ఆశ్ర‌మ పాఠ‌శాలలో నిర్వ‌హించిన జాతీయ నులిపురుగుల నిర్మూల‌న దినోత్స‌వ కార్య‌క్ర‌మానికి మంత్రి ఐకే రెడ్డి ముఖ్య అతిథిగా హాజ‌ర‌య్యారు. ఈ సంద‌ర్భంగా మంత్రి మాట్లాడుతూ రాష్ట్ర ప్ర‌భుత్వం విద్యా, వైద్యంపై కోట్ల రూపాయ‌లు వెచ్చిస్తుంద‌ని తెలిపారు. ప్ర‌జ‌లంద‌రూ సంపూర్ణ ఆరోగ్యంగా ఉండాల‌నే ధ్యేయంతో రాష్ట్ర ప్ర‌భుత్వం ఆసుప‌త్రుల‌ను బ‌లోపేతం చేస్తుంద‌న్నారు. ఈ సంద‌ర్భంగా విద్యార్థినీల‌కు మంత్రి ఐకే రెడ్డి నులిపురుగుల నిర్మూల‌న మాత్ర‌ల‌ను అందించారు. 
జిల్లా వ్యాప్తంగా వైద్య ఆరోగ్యశాఖ ఆధ్వర్యంలో 1 నుంచి 19 సంవత్సరాలలోపు వయస్సు వారికి అల్బెండజోల్‌ మాత్రలు వేసేందుకు చర్యలు చేపట్టామ‌ని తెలిపారు. జిల్లాలోని ప్రభుత్వ, ప్రైవేట్‌ పాఠశాలలు, కళాశాలలు, అంగన్‌వాడీ కేంద్రాల్లో సిబ్బంది ఉదయం నుంచి సాయంత్రం వరకు మాత్రలు వేయనున్నారని అన్నారు. మాత్రలు వేసుకోవడం ద్వారా చిన్నారుల్లో శారీరక, మానసిక ఎదుగుదల పెరుగుతుంది. మాత్రల వల్ల ఎలాంటి ప్రమాదం ఉండదని మంత్రి తెలిపారు. ఈ కార్య‌క్ర‌మంలో మునిసిప‌ల్ చైర్మ‌న్ అప్పాల గ‌ణేష్‌,ఆర్డీవో ప్ర‌సూనాంబ‌,నాయ‌కులు రాంకిష‌న్ రెడ్డి త‌దిత‌రులు పాల్గొన్నారు.
 

Popular News may like