Latest News
మననిర్మల్.కామ్ mananirmal.comకు స్వాగతం. నిర్మల్ జిల్లా వార్తలను నిష్పక్షపాతంగా ఎప్పటికప్పుడు మీకందించే వెబ్‌సైట్ mananirmal.com       
అత్యాధునిక వైద్య‌సేవ‌లతో విజ‌య హాస్పిట‌ల్‌

నిర్మ‌ల్ జిల్లా కేంద్రంలో అత్యాధునిక వైద్య ప్ర‌మాణాల‌తో వైద్య‌సేవ‌లందించ‌డానికి విజ‌య హాస్పిట‌ల్‌ను వసంత‌పంచ‌మి సోమ‌వారం నాడు ప్రారంభించామ‌ని డాక్ట‌ర్ మ‌ల్లికార్జున్‌రెడ్డి అన్నారు. ఈ ప్రారంభోత్స‌వానికి  ముఖ్య అథితులుగా హైద‌రాబాద్‌కు చెందిన సాయి సంజీవ‌ని హాస్పిట‌ల్ డాక్ట‌ర్ అంజ‌య్య (ఎం.ఎస్‌. ఆర్థో) , క‌రీంన‌గ‌ర్‌కు చెందిన డాక్ట‌ర్ మోతీలాల్ (ఎం.ఎస్‌.ఆర్థో) ఆర్థోపెడిక్ ప్రొఫెస‌ర్‌, సికింద్రాబాద్ య‌శోధ ఆసుప‌త్రి డాక్ట‌ర్ ప్ర‌వీణ్ కుమార్ (ఎం.ఎస్‌. ఆర్థో), డాక్ట‌ర్ హ‌రీష్‌లు హాజ‌ర‌య్యారు. ముందుగా వారు జ్యోతి ప్ర‌జ్వ‌ల‌న‌చేసి ఆసుప‌త్రిని ప్రారంభించారు. ఈ సంద‌ర్భంగా డాక్ట‌ర్ మ‌ల్లికార్జున్ రెడ్డి మాట్లాడుతూ పేద ప్ర‌జ‌లు హైద‌రాబాద్ లాంటి దూర ప్రాంతాల‌కు వెళ్ల‌కుండా ఇప్పుడు మ‌న నిర్మ‌ల్‌లోనే అత్యాధునిక వైద్యప్ర‌మాణాల‌తో వైద్య‌సేవ‌లందించ‌డానికి ముందుకు వ‌చ్చామ‌న్నారు. ఆసుప‌త్రిలో డాక్ట‌ర్లు శ్రీ‌జ శివ‌ప్ర‌సాద్‌రెడ్డి, న‌ళిని ర‌ఘునంద‌న్‌రెడ్డిలు మోకాలు కీలు మార్పిడి, ఇత‌ర ఆర్థోపెడిక్ శ‌స్త్ర చికిత్స‌లు చేయ‌డం జ‌రుగుతుంద‌ని తెలిపారు. 
ఆసుప్ర‌తిలో అన్నిహంగుల‌తో నూత‌న వైద్య ప‌రిక‌రాల‌ను అందుబాటులో ఉంచి వైద్య సేవ‌లందిస్తామ‌న్నారు. హైద‌రాబాద్ లాంటి న‌గ‌రాల్లో అందించే వైద్య చికిత్స‌లు ఇప్పుడు మ‌న నిర్మ‌ల్‌లోని విజ‌య హాస్పిట‌ల్‌లో అందించ‌డం గ‌ర్వ‌కార‌ణంగా ఉంద‌న్నారు. 24 గంట‌ల‌పాటు  వైద్యులు అందుబాటులో ఉంటార‌ని పేర్కొన్నారు. ఈ వైద్య చికిత్స‌ల‌ను రోగులు స‌ద్వినియోగం చేసుకుని వారి ఆరోగ్యాల‌ను కాపాడుకోవాల‌ని సూచించారు. ఈ కార్య‌క్ర‌మంలో నిర్మ‌ల్ ఏరియా ఆసుపత్రి సూప‌రిండెంట్ డాక్ట‌ర్ సురేష్‌, డాక్ట‌ర్‌లు వెంక‌ట్‌రావు, నాగేశ్వ‌ర్‌రావు, ధూమ్‌సింగ్‌, ర‌జిని, ముర‌ళీకృష్ణ‌, కాశీనాథ్‌, దామెర‌రాములు, ప్ర‌భాక‌ర్‌రావు, ప్ర‌మోద్ చంద్రారెడ్డి త‌దిత‌రులు హాజ‌ర‌య్యారు.

Popular News may like