Latest News
మననిర్మల్.కామ్ mananirmal.comకు స్వాగతం. నిర్మల్ జిల్లా వార్తలను నిష్పక్షపాతంగా ఎప్పటికప్పుడు మీకందించే వెబ్‌సైట్ mananirmal.com       
విద్యార్థుల ఆలోచ‌న‌ల్లో మార్పు రావాలి

- వ్య‌క్తిత్వ వికాస నిపుణుడు డి.శ్రీ‌నివాస్‌

విద్యార్థుల ఆలోచ‌నా విధానంలో, జీవ‌న విధానంలో మార్పులు వ‌చ్చిన‌ప్పుడు అనుకున్న ల‌క్ష్యాల‌ను సుల‌భంగా సాధించ‌వ‌చ్చ‌ని ప్ర‌ముఖ వ్య‌క్తిత్వ వికాస నిపుణుడు డి.శ్రీ‌నివాస్ అన్నారు. గురువారం జిల్లా కేంద్రంలోని బుధ‌వార్‌పేట్ మున్నూరుకాపు సంఘ భ‌వ‌నంలో వివేకానంద సేవాస‌మితి, ఏక‌ల‌వ్య ఫౌండేష‌న్ ఆధ్వ‌ర్యంలో ప్ర‌భుత్వ పాఠ‌శాల‌లో ప‌ద‌వ త‌ర‌గ‌తి చ‌దువుతున్న విద్యార్థుల‌కు వ్య‌క్తిత్వ వికాసంపై అవ‌గాహ‌న క‌ల్పించారు. ఈ సంద‌ర్భంగా ఆయ‌న విద్యార్థుల‌నుద్దేశించి మాట్లాడారు. మార్పుకంటే ముందే మారే వారు జ్ఞాని అన్నారు. అన‌వ‌స‌ర ఆలోచ‌న‌లు వ‌దిలి విద్యార్థులు అవ‌స‌ర‌మున్న‌వాటినే ఆచ‌రించాల‌న్నారు. స‌మ‌యాన్ని స‌ద్వినియోగం చేసుకుని రాబోయే 4 నెల‌ల్లో అహ‌ర్నిష‌లు శ్ర‌మించాల‌న్నారు. చ‌దువుకు డ‌బ్బు, పేద‌రికం అడ్డురాద‌న్నారు. ఎంతో మంది పేద విద్యార్థులు ప‌ట్టుద‌ల‌తో చ‌దివి జాతీయ‌స్థాయిలో ఉత్త‌మ ర్యాంకులు సాధించార‌న్నారు. చ‌దువుప‌ట్ల ఆస‌క్తి క‌న‌బ‌ర్చ‌డం, చ‌దివింది దీర్ఘ‌కాలం గుర్తుంచుకునేవిధానం, సుల‌భంగా స‌మ‌స్య‌ల‌ను అర్థం చేసుకోవ‌డం ఉపాధ్యాయుల బోధ‌న ప‌ట్ల ఆస‌క్తి క‌ల‌గ‌డానికి తీసుకోవాల్సిన జాగ్ర‌త్త‌ల‌ను తెలిపారు. గొప్ప‌వ్య‌క్తులంతా ప్ర‌భుత్వ పాఠ‌శాల‌ల్లోనే చ‌దివార‌ని తెలిపారు. ఈ కార్య‌క్ర‌మంలో డీఈవో టి.ప్ర‌ణీత‌, సెక్టోర‌ల్ అధికారి ప‌ద్మ‌, అధ్యక్షులు ర‌మేష్‌, శ్రీ‌నివాస్‌గుప్త‌, ర‌వీంధ‌ర్‌, గంగిశెట్టి ప్ర‌వీణ్‌, డాక్ట‌ర్ సుధాక‌ర్‌, ముర‌ళీ, డాక్ట‌ర్ ప్ర‌మోద్‌చంద్రారెడ్డి, కూన ర‌మేష్‌, రాజుల‌వారి దిగంబ‌ర్‌, మ‌నోజ్ వ‌స‌ల్‌, వివిధ పాఠ‌శాల‌ల ఉపాద్యాయులు, విద్యార్థులు పాల్గొన్నారు.


 

Popular News may like